"Сенім және жетістік: олимпиадаға психологиялық дайындық"

Студенттерді алдағы олимпиадаға дайындау аясында колледжде "Сенім және жетістік: олимпиадаға психологиялық дайындық"тақырыбында психологиялық сабақ өткізілді. Кездесудің негізгі мақсаты білім алушылардың өзін-өзі реттеу дағдыларын қалыптастыру, өз күштеріне деген сенімділікті арттыру, сондай-ақ, жауапты зияткерлік сынақтар алдында алаңдаушылық деңгейін төмендету болды. Сабақ барысында психологЖумагулова М. Е. студенттерді толқуды жеңуге және ішкі ресурстарды жұмылдыруға көмектесетін психологиялық дайындықтың тиімді әдістерімен таныстырды. Қатысушылар олимпиада алдындағы стресстің негізгі себептерін және оны қалай жеңуге болатынын талқылады.   Практикалық бөлімге ерекше назар аударылды. Студенттер  өзіне деген сенімділікті дамыту үшін: эмоцияларды басқаруға; зейінді шоғырландыруға; табысқа деген оң көзқарас пен мотивацияны қалыптастыруға; өзіне деген сенімділікті дамытуға жаттығулар жасады. Интерактивті түрде қатысушылар тыныс алу релаксациясы мен сәтті нәтижені визуализациялау әдістерін пысықтады. Мұндай әдістер кернеу деңгейін төмендетуге және өнімді жұмысқа бейімделуге мүмкіндік береді. Сабақ мейірімді және қолдаушы атмосферада өтті. Студенттер белсенділік танытты, өз тәжірибелерімен бөлісті және одан әрі дайындық үшін пайдалы ұсыныстар алды. Өткізілген кездесу қатысушылардың олимпиадаға психологиялық дайындығына ғана емес, олардың алға қойған мақсаттарына қол жеткізуге деген сенімін нығайтуға да ықпал етті. 

https://www.instagram.com/reel/DV_HfMrAdmN/?utm_source=ig_web_copy_link&igsh=MzRlODBiNWFlZA==