"Техникалық және кәсіптік білім беру педагогтарының ғылыми-зерттеу қызметі"тақырыбында педагогикалық бағыттағы әдістемелік бірлестіктің отырысы

13 мамырда Щучинск қаласының жоғары педагогикалық колледжінде "Техникалық және кәсіптік білім беру педагогтарының ғылыми-зерттеу қызметі"тақырыбында педагогикалық бағыттағы әдістемелік бірлестіктің үшінші отырысы өтті. Семинар педагогика ғылымының негізгі мәселелерін талқылауға, тәжірибе алмасуға және жаңа кәсіби бағдарларға арналған өнімді алаңға айналды. Отырысқа әдістемелік қызмет өкілдері, өңірдің жетекші колледждерінің оқытушылары, ғылым кандидаттары, педагог-зерттеушілер, сондай-ақ, зерттеу мәдениетін дамытуға мүдделі жас мамандар қатысты. Семинар аясында ғылыми-зерттеу қызметінің рөлі мен өзектілігі, ғылыми зерттеулердің әдіснамасы, инклюзивті білім беру педагогтарының зерттеу дағдыларын қалыптастыру, педагогтың зерттеу мәдениетін қалыптастырудағы әдістемелік семинарлардың маңызы туралы мазмұнды баяндамалар жасалды, студенттердің СӨЖ-де заманауи білім беру технологияларын, жасанды интеллектті қолдана отырып зерттеу тәжірибесі ұсынылды. Интерактив элементтерімен мазмұнды баяндамаларды жоғары педагогикалық колледж оқытушылары Н.С. Венгловская, Л.В. Бичун, Н.В. Короткова, Е. Д. Немилостева ұсынды. Отырыс  қорытындысы бойынша колледждерде ғылыми-зерттеу жұмысының тиімділігін арттыруға бағытталған ұсынымдарды талқылау, пікір алмасу және қабылдау жүргізілді. Барлық қатысушыларға белсенді ұстанымдары, шабыттандыратын баяндамалары және дамуға деген ұмтылысы үшін алғыс айтамыз!  Ақмола облысының "Педагогикалық бағыт" ӘБ төрағасы Н. С. Редько.

https://www.instagram.com/reel/DJn2YLmhkvs/?utm_source=ig_web_copy_link&igsh=MzRlODBiNWFlZA==